As Traballadoras Sociais de AGADEA atenden nas oficinas da Asociación a todas aquelas persoas que así o soliciten, tanto se o fan acudindo en persoa, como por teléfono.
O primeiro paso deste programa é analizar a situación da posible persoa usuaria e do seu familiar con demencia. A traballadora social é a encargada de realizar a acollida e esta primeira entrevista.
Posteriormente proporcionase información básica sobre a enfermidade de Alzheimer ou outras demencias e sobre os recursos socio-sanitarios existentes tanto a nivel público como privado e facendo fincapé nos propios da Asociación. Son varias as intervencións que se poden derivar desta entrevista inicial:

• Atención psicolóxica individualizada ou grupal para o coidador
• Cursos de formación para coidadores sobre aspectos específicos da enfermidade e os coidados
• Asesoramento Xurídico
• Ingreso no centro de día ou nos servizos de estimulación terapéutica