O Programa Respiro Familiar 2026 ofrece axudas económicas destinadas a facilitar períodos de descanso ás persoas coidadoras habituais non profesionais que atenden de maneira continuada persoas con discapacidade, en situación de dependencia ou que precisan da axuda de terceiras persoas para realizar as actividades da vida diaria.
Descargar Programa_Respiro_Familiar_2026_AGADEA
A convocatoria contempla diferentes modalidades de apoio en función das necesidades de cada familia:
- Respiro no fogar: axuda para contribuír ao pagamento dun servizo de atención a domicilio ante necesidades puntuais e durante un período determinado. A contía pode alcanzar os 1.000 euros por persoa beneficiaria e ano.
- Respiro en centro de día: destinada a contribuír ao pagamento da atención nun centro de día para cubrir necesidades puntuais, cunha axuda de ata 1.000 euros por persoa beneficiaria e ano.
- Respiro en centro residencial: permite contribuír ao pagamento dunha estancia temporal nun centro residencial ante unha necesidade puntual, cunha contía máxima de 1.500 euros por persoa beneficiaria e ano.
Quen pode beneficiarse?
O programa está destinado a persoas coidadoras habituais non profesionais que atendan de maneira continuada a unha ou máis persoas con discapacidade, en situación de dependencia ou que necesiten a axuda de terceiras persoas para realizar as actividades da vida diaria.
Tanto a persoa coidadora como a persoa atendida deben residir en Galicia. Ademais, a persoa atendida deberá atoparse nalgunha das situacións establecidas na convocatoria: ter recoñecida unha discapacidade física, psíquica ou mental igual ou superior ao 75 % con necesidade de axuda de terceiras persoas; ter recoñecida unha situación de dependencia de grao II ou III; ou, de non atoparse nos supostos anteriores, acreditar mediante informe médico e social a necesidade de axuda de terceiras persoas para as actividades da vida diaria.
Tres modalidades de axuda
O Programa Respiro Familiar contempla tres modalidades:
- 🏠 Respiro no fogar: axuda para contribuír ao pagamento dun servizo de atención a domicilio que permita responder a necesidades puntuais da familia durante un período determinado. Ata 1.000 € por persoa beneficiaria e ano.
- 👥 Respiro en centro de día: contribución ao pagamento do servizo de atención nun centro de día para atender necesidades puntuais. Ata 1.000 € por persoa beneficiaria e ano.
- 🏡 Respiro en centro residencial: contribución ao pagamento dunha estadía temporal nun centro residencial ante unha necesidade puntual. Ata 1.500 € por persoa beneficiaria e ano.
Serán subvencionables os gastos realizados entre o 1 de xaneiro e o 21 de novembro de 2026. Estas axudas son compatibles con outras subvencións, axudas ou ingresos destinados á mesma finalidade, procedentes de calquera outra Administración ou ente público ou privado.
Solicitudes ata o 15 de outubro
O prazo para solicitar as axudas permanecerá aberto ata o 15 de outubro de 2026, preferiblemente por vía electrónica.
O prazo máximo para resolver e notificar a resolución é de tres meses e a data límite para o pagamento e xustificación da axuda será o 1 de decembro de 2026.
Información e orientación en AGADEA
As persoas interesadas poden contactar coa traballadora social de AGADEA correspondente á súa área:
📍 Área de Santiago
Lucía Fandiño – Traballadora Social
Nº colexiada: 2.196
📞 722 743 092
✉️ cdiasalgueirinos@agadea.org
📍 Área de A Estrada
Sonia Castro – Traballadora Social
Nº colexiada: 3.352
📞 651 981 863
✉️ cdiaaestrada@agadea.org
📍 Área de Barbanza
Lucía Ruanova – Traballadora Social
Nº colexiada: 3.414
📞 623 359 877
✉️ habitatpraiaxardin@agadea.org
💚 Porque coidar tamén significa poder descansar.
A convocatoria corresponde á Orde do 31 de xullo de 2026, publicada no DOG nº 150 do 11 de agosto de 2026.
