O mes de decembro de 2025 marcou o peche dun ano especialmente intenso e enriquecedor no Servizo de Estimulación Terapéutico da Estrada, no que se desenvolveron múltiples accións de estimulación cognitiva e física grazas ao apoio continuado da Deputación de Pontevedra.
Ao longo de todo o ano, as persoas usuarias participaron en programas terapéuticos deseñados para:
-
manter e reforzar as capacidades cognitivas
-
preservar a autonomía persoal
-
favorecer a mobilidade e o equilibrio
-
estimular as relacións sociais e o benestar emocional
Estes programas contribuíron a mellorar a calidade de vida das persoas usuarias e das súas familias, consolidando o centro como un espazo seguro, próximo e especializado no acompañamento ás demencias.
O 2025 foi tamén un ano de aprendizaxes, de pequenos avances diarios, de momentos compartidos e de fortalecemento do vínculo comunitario, reforzando o papel de AGADEA como entidade de referencia no ámbito do ALZHÉIMER e outras demencias.
Grazas ao respaldo da Deputación de Pontevedra, foi posible seguir construíndo coidados que importan.
