O proxecto Un Camiño de Lembranzas: Parque Nacional Marítimo-Terrestre das Illas Atlánticas, desenvolvido por AGADEA ALZHÉIMER ao longo do 2025, levou ás aulas de Ribeira unha proposta innovadora que uniu persoas maiores con Alzheimer ou outras demencias e alumnado de educación primaria para transmitir o valor natural, cultural e histórico das Illas Atlánticas de Galicia.
Esta iniciativa forma parte da convocatoria da Xunta de Galicia dirixida a actividades de sensibilización e divulgación na área de influencia do Parque Nacional.
Un proxecto que une xeracións a través da natureza
A través de dinámicas participativas e xogos tradicionais adaptados, AGADEA promoveu encontros interxeracionais en catro centros educativos do Barbanza:
-
CEIP Heroínas de Sálvora (Aguiño)
-
CEIP Plurilingüe de Palmeira (dúas xornadas)
-
Colexio Sagrado Corazón de Jesús de Castiñeiras
Nestas sesións, maiores e nenos e nenas compartiron experiencias, coñecementos e lembranzas vinculadas ás Illas Cíes, Ons, Sálvora e Cortegada, reforzando a aprendizaxe ambiental e poñendo en valor a memoria e o papel das persoas maiores na transmisión de patrimonio.
