Chegamos ao final do programa Arte Vivo: Envellecemento Activo a través da Interpretación Artística, promovido pola Fundación “la Caixa”, e non podemos máis que facer un balance moi positivo.
Durante estes meses, con Tania Fuegho como guía, as persoas participantes tiveron a oportunidade de traballar desde unha perspectiva distinta á habitual, explorando o teatro como ferramenta de estimulación e de crecemento persoal.
Os logros máis destacados deste programa foron:
-
Aumento da creatividade e a capacidade de improvisación.
-
Mellora das habilidades sociais e do traballo en equipo.
-
Potenciación da autoestima e da confianza en si mesmas.
-
Fortalecemento da memoria, a atención e a expresión verbal.
O principal obxectivo foi o de fomentar a creatividade, a expresión persoal e o traballo en equipo, ofrecendo un espazo no que risa, emocións e lembranzas se entrelazaron.
En AGADEA sentimos orgullo de formar parte deste proxecto innovador que une terapia, arte e comunidade, contribuíndo a unha vida máis activa, digna e chea de sentido.
