O programa Arte Vivo, impulsado pola Fundación “la Caixa” dentro do marco do Programa Todos 2024, fixo posible que en AGADEA poidamos desenvolver actividades terapéuticas centradas na estimulación cognitiva e emocional a través do teatro 🎭.
Neste primeiro bloque de sesións, da man de Tania Fuegho, exploramos a capacidade expresiva das persoas participantes, xerando espazos nos que a imaxinación, a memoria e as emocións conviven de forma activa.
Os obxectivos principais desta etapa foron:
-
Potenciar a creatividade como ferramenta de prevención do deterioro cognitivo.
-
Favorecer a expresión persoal e o benestar emocional.
-
Estimular a memoria, a atención e as capacidades comunicativas nun entorno lúdico.
Deste xeito, o teatro convértese nunha canle de motivación e de conexión, ofrecendo ás persoas usuarias unha experiencia enriquecedora que lles axuda a reforzar as súas habilidades de comunicación e a manter unha vida activa.
