Representantes de países como Irlanda, Italia e Croacia díronse cita hoxe en Santiago para avanzar no proxecto ElabHause.rur, un laboratorio de economía social para a Nova Bauhaus no rural europeo.

Que é a Nova Bauhaus? É un movemento de intercambio de coñecementos co que a Comisión Europea busca repensar os nosos estilos de vida e mellorar a calidade de vida dos pobos dende o punto de vista da accesibilidade, a inclusión e a sustentabilidade.

Neste contexto, AGADEA foi convidada a participar na xuntanza para expoñer o seu modelo de inclusión social levado a cabo conxuntamente co concello de Vedra.

A psicóloga de AGADEA, Taida Sánchez, acompañada da presidenta, expuxo o impacto que os programas de estimulación terapeútica e Envellecemento Activo teñen da vida das persoas deste concello.

A xornada alongouse á tarde continuando con dinámicas de intercambio, nas que tamén participan entidades galegas como a Asociación Galega de Cooperativas Agroalimentarias, Agaca, como fin de crear lugares, produtos e modos de vida bellos, sostibles e inclusivos.

Máis información: https://www.concellodevedra.es/gl/content/elabhause